Paşinyanın komandası dağılır: yeni partiya yaradırlar

Son aylarda Ermənistanda Nikol Paşinyanın liderlik etdiyi hakim "Vətəndaş Müqaviləsi" partiyasında ciddi   fikir ayrılıqları yarandığından bir çox deputat və fəal üzvlər partiya sıralarından xaric edilməkdədir. Partiya sıralarından uzaqlaşan və xaric edilənlər siyasi fəaliyyətlərini davam etdirmək üçün yeni partiya yaratmaq qərarına gəliblər.

Ölkə.Az xəbər verir ki, hakim partiyanın fəal üzvlərindən hesab edilən və Paşinyan komandasından xaric edilən deputat Ovik Ağazaryanın liderliyi altında yeni partiya yaradılması nəzərdə tutulur.

Ağazaryan bu barədə "Facbook"da məlumat verərək bildirib ki, artıq yeni partiya yaradılması ilə bağlı təşəbbüs qrupu yaradılıb. "Ermənistan qanunvericiliyi ilə müəyyən edilmiş qaydada partiyanın yaradılması prosesinə başlayırıq. Yeni  yaranacaq siyasi təşkilat isə Vahid Milli Sosialist Partiyası - UNSP adlanacaq.

İlk görüşün yerini, gününü və vaxtını 2025-ci il yanvarın 3-də elan edəcəyik”, – Ağazəryan yazıb. 

Mürtəza
Ölkə.Az