Paşinyan İlham Əliyevin təklifini qəbul etdi

Baş nazir Nikol Paşinyan öz Facebook səhifəsində Ermənistanın Azərbaycana təqdim etdiyi təkliflərlə bağlı bəzi mötərizələr açaraq paylaşım edib.

Ölkə.Az xəbər verir ki, Ermənistan baş naziri Nikol Paşinyanın təklifləri aşağıdakılardır. 

- Berkaber-Voskepar bölməsində həyata keçirilən delimitasiya təcrübəsi və iki ölkənin demarkasiya komissiyalarının birgə işi qaydaları əsasında delimitasiya prosesini davam etdirmək;
- 90 faiz hazır olan sülh müqaviləsi bağlamaq;
- təkliflərə uyğun olaraq, kommunikasiyaların açılması barədə Kazan görüşündən sonra Ermənistanın Azərbaycana təqdim etdiyi, Ermənistan ərazisindən Azərbaycan-Azərbaycan əlaqəsi və Azərbaycan ərazisindən Ermənistan-Ermənistan əlaqəsi məsələsini həll etməklə “Sülh kəsişməsi” layihəsini həyata keçirmək; 
- atəşkəs rejiminin pozulması hallarının araşdırılması üçün birgə mexanizm tətbiq etmək;
- beynəlxalq məhkəmələr də daxil olmaqla bir-birinə qarşı irəli sürülən tələblərdən imtina etmək;
- sülh müqaviləsinin müddəalarının tam və səmərəli həyata keçirilməsi istiqamətində çalışmaq;
- sülh bərqərar olduqdan sonra birgə peşəkar ekspert komissiyasının formalaşdırılması, ümumilikdə hər iki ölkədən olan qaçqınlarla bağlı məsələləri müzakirə etmək;
- ATƏT-in Minsk Qrupu buraxılsın.

Qeyd edək ki, Azərbaycan Prezidenti İlham Əliyev sülh müqaviləsi ilə bağlı danışarkən əsas şərtlərdən biri kimi ATƏT-in Minsk Qrupunun buraxılmasını irəli sürüb.

Mürtəza
Ölkə.Az