Kremldən Tehrana şok ittiham: "İsraildən heç bir fərqiniz yox"

İranı şoka salan belə bir bəyanatı Rusiyanın xarici işlər naziri Sergey Lavrov Bəşər Əsəd rejiminin süqutundan bir gün öncə, dekabrın 7-də Qətərin paytaxtı Doha görüşündə iranlı həmkarı Abbas Əraqçi arasında yaşanan mübahisə zamanı səsləndirib.

Ölkə.Az xəbər verir ki, dekabrın 7-də Dohada Türkiyə, Rusiya və İranın XİN başçılarının iştirakı ilə Suriyadakı vəziyyətlə bağlı forum keçirilib. Foruma ərəb ölkələrinin rəsmiləri qatılıb. Çox gərgin şəraitdə keçən toplantıda tərəflər, xüsusən də Rusiya xarici işlər naziri Sergey Lavrov ilə İran xarici işlər naziri Abbas Əraqçi arasında gərgin anların yaşanıb.
Rusiya və İran nazirləri Suriya məsələsində bir-birini xəyanətdə ittiham ediblər.

Nəticədə Lavrov Əraqçiyə deyib: “Bölgədə sizinlə İsrail arasında heç bir fərq yoxdur”.

Vəziyyətin daha da kəskin xarakter alacağını görən Türkiyənin xarici işlər naziri Hakan Fidan və MİT sədri İbrahim Kalın  tərəfləri sakitləşdirib.

Görüşdə iştirak edən Qətər xarici işlər naziri Şeyx Məhəmməd bin Əbdürrəhman Əl Sani Suriyada rejim dəyişikliyinin artıq qaçılmaz olduğuna işarə edərək, Əsəddən sonrakı dövr haqqında danışmağın zərurliyini dilə gətirib.

Rusiyanın Suriyada 13 ildir davam edən qarşıdurmada konkret bir qazanc əldə edə bilmədiyinə də diqqət çəkən Qətərin xarici işlər naziri Moskvanın bu 13 ildə əldə etməyə çalışdıqları bütün qazancların itirməyəcəyinə söz verib.  

Toplantıda Tehranın diqqətinə isə çatdırılıb ki, İranın bölgədə maddi deyil, məzhəb qazancları əldə etdiyindən bundan sonra belə hallar artıq mümkün olmayacaq.

Mürtəza
Ölkə.Az