Ermənistan ABŞ ilə strateji tərəfdaşlıq sazişi imzalayacaq - XİN
Ermənistanın xarici işlər naziri Ararat Mirzoyan və ABŞ dövlət katibi Antoni Blinken bu gün, yanvarın 14-də Vaşinqtonda görüşəcəklər. Görüş zamanı strateji tərəfdaşlığa dair sənəd imzalanacaq.
Ölkə.Az xəbər verir ki, bu barədə Ermənistan XİN-in mətbuat katibi Ani Badalyan “Facebook”da yazıb.
2024-cü ilin iyununda Ermənistan-Amerika strateji dialoqunun görüşü keçirilib. Nəticədə iki ölkə hökumətləri ikitərəfli dialoqun strateji tərəfdaşlıq səviyyəsinə yüksəldilməsi planlarına dair birgə bəyanat qəbul ediblər.
Bu il yanvarın 9-da Ermənistan hökuməti ölkənin Avropa İttifaqına daxil olması prosesinə başlamaq üçün qanun layihəsini dəstəkləyib.
Mürtəza
Ölkə.Az
