Ruslan İzzətliyə \"Türkiyənin dostu\" mükafatı verildi

D18 Hərəkatının başqanı Ruslan İzzətliyə Ankarada "Ailemder" təşkilatı tərəfindən “Türkiyənin dostu” mükafatı verilib.

D18 Hərəkatının mətbuat xidmətinin verdiyi məlumata görə, Türkiyədə səfərdə olan Ruslan İzzətli Ankarada "Ailemder" Təşkilatının mərkəzi ofisini ziyarət edib. Təşkilatın sədri Seyhan Leyla Taşerlə görüşüb. Görüşdə Türkiyə-Azərbaycan münasibətləri, D18 Hərəkatının baxışları, Türkiyə-Rusiya arasında yaranan problemlər haqda fikir mübadiləsi aparılıb.

Leyla Taşer Ruslan İzzətlinin Türkiyə-Azərbaycan münasibətləri üçün göstərdiyi fəaliyyəti nəzərə alaraq Ruslan İzzətliyə “Türkiyənin dostu” mükafatını təqdim edib.

Qeyd edək ki, "Ailemder" Təşkilatının fəxri sədri Türkiyə prezidentinin xanımı Əminə Ərdoğandır.

Ölkə.Az