\"Rus xalqının taleyini erməni Semyon Baqdasarovla yəhudi Vladimir Salavyov həll edir\"

Türkiyənin Rusiya hərbi təyyarəsini vurması iki ölkə arasında münasibətləri gərginləşdirib

Bu gərginliyin aradan qalxması üçün Azərbaycan və Qazaxıstan tərəfi fəal iş görür.

Slavyan - Türk birliyi hərəkatının sədri, politoloq Adigözəl Məmmədov Ölkə.Az-a Türkiyə-Rusiya münasibətlərindən danışıb:

"Bu gün Slavyan-Türk birliyi hərəkatı adından slavyan, türkdilli ölkələrin dövlət başçılarına müraciət etdik. Rusiya - Türkiyə münasibətlərinin gərginləşməsinin tərəfdarı deyilik. Bu gərginliyin aradan götürülməsi üçün Slavyan-Türk hərəkatı təşəbbüslə çıxış edir ki, aqil insanlar yığılıb bu məsələni sakitləşdirək. Buraya Tatarıstandan, Qazaxıstandan və digər türkdilli ölkələrin aqil insanlarını yığmaq istəyirik. Bu gərginlik həm slavyan, həm də türk dünyasına zərər gətirir. Bu qarşıdurma təkcə Rusiya və Türkiyəyə deyil, regiona zərər gətirəcək. Bundan da istifadə edən müəyyən qüvvələr var. Türkiyə və Rusiya arasında çox güclü strateji müttəfiqlik formalaşmışdı. Ötən ilə hətta Ərdoğan gömrük birliyinə, Şanxay əməkdaşlıq təşkilatına qoşulmaq istəyirdi. Bu cür bəyanatlar digər qüvvələr tərəfindən yaxşı qarşılanmırdı.

Hər iki xalq döyüşkəndir. Bu məsələlərlə oynaya bildilər. Hər nə olur olsun, biz bu gərginliyin dərinləşməsinin qarşısını almalıyıq. Bu istiqamətdə Azərbaycan prezidenti İlham Əliyevin və Qazaxıstan prezidenti Nursultan Nazarbayevin də çox yaxşı mövqeyi var. Çalışıb münasibətlərin yenidən bərpasına gətirib çıxarmaq lazımdır. Adama pis təsir edən odur ki, rus xalqının taleyini erməni Semyon Baqdasarovla yəhudi Vladimir Salavyov həll edir".

Səxavət Məmməd
Ölkə.Az