D18 Hərəkatının Türkiyədə təmsilçiliyi yaradıldı

D18 Hərəkatının başqanı Ruslan İzzətli D18 Hərəkatının Türkiyə təmsilçiliyinin rəhbərini təyin edib.

Hərəkatın mətbuat xidmətindən Ölkə.Az-a verilən məlumata görə, Ruslan İzzətli Türkiyə təmsiliyinə Sərdar Akyolu təyin edib. Hərəkatın Türkiyə təmsilçiliyi Türkiyədə oxuyan azərbaycanlı tələbələrlə əlaqə yaradacaq, Türkiyənin siyasi partiyaları, mətbuat və ictimai-siyasi təşkilatlarla sıx əlaqədə olacaq. Təmsilçilik Azərbaycanda demokratiya, insan haqlarının hazırkı vəziyyətini, D18 Hərəkatının baxışlarını Türkiyə cəmiyyətinə çatdıracaq. Hərəkatın yaxın zamanlarda Ankara ofisi fəaliyyətə başlayacaq.

Hərəkatın Türkiyə təmsilçisi Sərdar Akyol Türkiyədə tanınmış jurnalistdir. İzmir, Dənizli, İstanbulda bir çox qəzet və radiolarda çalışıb. Bir çox ictimai-siyasi təşkilatlarda çalışıb.

Ölkə.Az