Zərdüşt Əlizadə: "Əsədin taleyini Suriya xalqı müəyyən etməlidir"
ABŞ Əsədə qarşı yox İŞİD-ə qarşı vuruşduğunu bəyan edib.
ABŞ-ın dövlət katibi Con Kerri bildirib ki, biz Suriyada rejimi dəyişməyə çalışmırıq. Biz rəngli inqilaba qarışmamışıq. Biz başqa ölkələrin işlərinə qarışmırıq.
Con Kerrinin fikrini politoloq Zərdüşt Əlizadə Ölkə.Az-a şərh edib:
"Siyasət şəraitə uyğun fikirləri ifadə etmək bacarığıdır. İndi vəziyyət, şərait dəyişib Kerri də tamamilə düzgün olaraq ABŞ-ın mövqeyinin çevik olduğunu göstərir. Kerri indi deyir, bizim əsas məqsədimiz İŞİD-ə qarşı mübarizə aparmaqdır.
Bu məsələdə ABŞ istənilən qüvvə ilə əməkdaşlığa hazırdır. Ancaq Əsədə gəldikdə isə onun taleyini Suriya xalqı müəyyən etməlidir".
Qeyd edək ki, bir müddət öncə ABŞ Əsədin hakimiyyətdən mütləq getməli olduğunu bildiridi.
Səxavət Məmməd
Ölkə.Az
