Almaniya Qarabağ münaqişəsinin həllinə kömək edəcək

“Almaniyanın ATƏT-dəki sədrliyi dövründə sülh və təhlükəsizlik əsas prioritet olacaq”.

Ölkə.Az xəbər verir ki,  bu sözləri Almaniyanın Azərbaycandakı səfiri Haydrun Tempel deyib.

O qeyd edib ki, üç gündən sonra Almaniya xarici işlər naziri ATƏT Daimi Şurasında prioritetləri açıqlayacaq: “Almaniya sədrliyi “dondurulmuş” adlandırdığımız davam edən münaqişələrə, o cümlədən sizin də cəlb olunduğunu münaqişəyə diqqət ayıracaq”.

Səfir Almaniyanın üzv ölkələr arasında iqtisadi əməkdaşlığın inkişafına da böyük diqqət yetirəcəyini söyləyib.

“Bu istiqamətdə müxtəlif konfrans, biznes forumlar keçiriləcək. Onlar bütün üzv ölkələr üçün açıq olacaq” , deyə qeyd edib.

Yanvarın 1-dən ATƏT-in fəaliyyətdə olan sədri vəzifəsi bir il müddətinə Almaniyaya keçib. Bu vəzifəni Almaniyanın xarici işlər naziri Frank-Valter Ştaynmayer icra edəcək.

Ölkə.Az