Politoloq: "Ərdoğanın ən böyük səhvi ondan ibarətdir ki..."

Son günlər Türkiyədə terror aktlarının sayı artıb.

Son iki terror aktı zamanı ölənlərin sayı, 15 yaralıların sayı isə 54 nəfərə çatıb. Türkiyədə bəzi politoloqlar bildirir ki, bu cür hadisələrin sayı getdikcə artacaq. Səbəb isə Türkiyəni zəiflətmək və Ankaranı 2023-cü ildə müddəti bitəcək Lozanna sülh müqaviləsini yenidən imzalamağa məcbur etməkdir.

Politoloq Zərdüşt Əlizadə Türkiyədə baş verən terror aktları və Lozanna sülh müqaviləsi barədə fikirlərini Ölkə.Az-la bölüşüb:

"Lozanna müqaviləsi barədə deyilənlərlə bağlı haradasa haqlıdırlar. Ancaq bu həqiqətin 5%-dir. 95% isə tamam başqa səbəblərdir. Türkiyədə terror fəaliyyəti genişlənib. Əsas səbəblərdən biri Ərdoğan hökumətinin ağılsız, düşünülməmiş siyasətinin nəticəsidir ki, o, Suriya məsələsinə qarışdı. Ərdoğan Suriyanın dağıdılmasında qərbə köməkçi oldu. Suriyanın dağıdılmasının nəticəsi Türkiyəyə terrorun və qaçqınların gəlməsi oldu. Ərdoğan ölkə daxilində demokratik islahatları öz hakimiyyəti üçün ləngitdi. Türkiyənin İsraillə münasibətləri korlandı, ABŞ-la münasibətləri yaxşı deyil. Türkiyə İranla da münasibətlərini normallaşdıra bilmədi. Türkiyə Rusiyaya belə desək "kəllə atdı". Bütün bunlar ona gətirdi ki, ölkə daxilində terror müharibəsi başladı. Bu əsasən Ərdoğanın və Ərdoğan hökumətinin günahıdır".

Səxavət Məmməd
Ölkə.Az