Zatulin: Bu, İrəvanın Rusiyaya hücumudur

Ermənistanla ABŞ arasında 9 milyard dollarlıq Amerika investisiyasını nəzərdə tutan mülki nüvə enerjisi ilə bağlı müqavilə Rusiyanın regiondakı maraqlarına və təsirinə hücumdur.

Ölkə.az xəbər verir ki, bunu RF Dövlət Dumasının MDB İşləri Komitəsi sədrinin birinci müavini Konstantin Zatulin RTVI-yə müsahibəsində deyib.

"Mən təhsilim üzrə tarix müəllimiyəm, tarix üzrə dərəcə almışam, amma enerjinin qorunması qanununun olduğunu yaxşı bilirəm. ABŞ-ın nəyisə qazanmaq üçün kiminsə əlindən nəyisə alması lazımdır, xüsusən də Ermənistanda, Qafqazda Rusiyanın maraqlarını, təsirini və s. əlindən almaqdır", - Zatulin qeyd edib.
Zatulin xatırladıb ki, hazırda Ermənistanı Rusiya qazı ilə yanaşı elektrik enerjisi ilə də təmin edən Metsamor Atom Elektrik Stansiyası bir neçə il fəaliyyətsizlikdən sonra Rusiyanın sayəsində təmir edilib və yenidən işə salınıb.

Rusiyalı deputat qeyd edib ki, SSRİ-nin dağılmasından sonra özünə gələn Ermənistan nüvə elektrik stansiyasının yenidən işə salınması üçün Rusiyadan kredit istəyib və bu, edilib.
“İndi heç nə olmamış kimi Paşinyan amerikalılarla sövdələşmələr aparır... Yəni, o, indiyə qədər Ermənistanda işləyən Rosatomla əməkdaşlıqdan imtina edərək amerikalılarla əməkdaşlığa üstünlük verir. Məgər bu, bizim maraqlarımıza, təsirimizə, perspektivlərimizə hücum deyilmi? Əlbəttə ki, elədir”, - Zatulin qeyd edib.

Mürtəza