\"ABŞ Rusiyanı məhv etmək istəyir\"

Davos iqtisadi forumu yekunlaşdı.

Davos iqtisadi forumundan sonra dünya bazarlarında neftin qiymətində artım olub.

"Azeri LT CIF" markalı xam neftin bir barelinin qiyməti 1,65 dollar yaxud 5,73% bahalaşıb.

Davos iqtisadi forumu və neftin qiymətinin forumdan sonra bahalaşması barədə millət vəkili Araz Əlizadə Ölkə.Az-a danışıb:

"Davos iqtisadi forumunda böyük iqtisadçılar, biznesmenlər, dövlət başçıları fikir mübadiləsi edirlər. Davos iqtisadi forumunun qiymətin düşüb-qalxmasına heç bir təsiri yoxdur. Ancaq ümumi nəticəyə təsir edir. Görkəmli alimlərin, iqtisadçıların fikirləri qiymətlərə nisbətən təsir edir. Neftin ucuzlaşmasının bir səbəbi var, o da ondan ibarətdir ki, ABŞ Rusiyanı məhv etmək istəyir".

Qeyd edək ki, İsveçrənin Davos şəhərində hər il keçirilən ənənəvi forumun bu dəfəki sayca 45-cisi idi.

Səxavət Məmməd
Ölkə.Az