İlham Əliyev DAVOS forumu çərçivəsində daha bir neçə görüş keçirib
Azərbaycan Respublikasının Prezidenti İlham Əliyev yanvarın 21-də Davosda Gürcüstanın Baş naziri Giorgi Kvirikaşvili ilə görüşüb.
Görüşdə Azərbaycan ilə Gürcüstan arasında ikitərəfli münasibətlərin müxtəlif sahələrdə uğurlu inkişafından məmnunluq ifadə edilib.
Söhbət zamanı əlaqələrin intensivləşdirilməsi, qarşıya çıxan məsələlərlə bağlı məsləhətləşmələrin aparılması, birgə layihələrin həyata keçirilməsi ilə bağlı məsələlər müzakirə olunub.
***
Azərbaycan Prezidenti İlham Əliyev yanvarın 22-də Davosda Norveçin xarici işlər naziri Borge Brende ilə görüşüb.
Görüşdə ölkələrimiz arasında münasibətlərin inkişaf etdiyi bildirildi, qarşılıqlı maraq doğuran məsələlərlə bağlı fikir mübadiləsi aparıldı.
