Bu gün AŞPA-nın qış sessiyası başlayır
Bu gün Avropa Şurası Parlament Assambleyasının (AŞPA) növbəti - qış sessiyası Strasburqda başlayır.
Sessiyada Azərbaycan üzrə yanvarın 26-da Robert Uolterin (Britaniya) "Dağlıq Qabağda və Azərbaycanın işğal altında olan başqa ərazilərində gərginlik", Bosniya və Herseqovina deputatı Militsa Markoviçin "Azərbaycanın sərhədyanı regionlarının əhalisi qəsdən içməli sudan məhrum edilirlər" hesabatları müzakirəyə çıxarılacaq.
Deputatlar həmçinin Avropada mühacirlər böhranı, Suriya və İraqda döyüşən xarici yaraqlılar, Avropa İttifaqı ölkələrində insan haqlarının müdafiəsinin və rolunun möhkəmləndirilməsi kimi məsələləri müzakirə edəcəklər.
Bolqarıstan prezidenti Rosen Plevneliyevin sessiya çərçivəsində çıxış edəcəyi gözlənilir. Həmçinin Avropa İnsan Haqları Məhkəməsinin hakimləri də seçiləcək.
Sessiya yanvarın 29-da başa çatacaq.
