Razi Nurullayev hakimiyyətdən 4 nazirlik istədi
Azərbaycan Xalq Cəbhəsi Partiyası hakimiyyətə 4 nazirliyin müxalifətə verilməsini təklif edib.
Ölkə.Az xəbər verir ki, AXCP sədri Razi Nurullayev Əmək və Əhalinin Sosial Müdafiəsi, Kənd Təsərrüfatı, Səhiyyə və Təhsil nazirliklərini hökumətdən istəyib. Partiya təklifi son antiböhran paketində irəli sürüb.
Təklifdə qeyd edilir ki, adı çəkilən nazirliklər əhalinin ən çox şikayətçi olduqları qurumlardır:
"Bu sahələr daha çox humanitar və sosial yönümlüdür. Ona görə də hesab edirik ki, müxalifətin bu nazirliklərə rəhbərlik etməsi hakimiyyətə hər hansı siyasi təhlükə yaratmır. Əslində ölkə əhalisinin də ən çox narazı olduqları dövlət qurumları bu nazirliklərdir. Bu təkliflərin reallaşması və mexanizmin işləməsi nəticəsində Azərbaycan Şərqə 1918-ci ildə bir günəş kimi doğmuşdusa, onun daha əzəmətli ikinci doğuşu da reallaşa bilər. Bu, həm də ölkədə siyasi stabillik, demokratiyanın təntənəsi və Azərbayanın dünya miqyasında reytinqinin, imicinin yüksəlməsi deməkdir. Təbii ki, bu da ölkənin sosial, iqtisadi və siyasi inkişafına ciddi töhfə verəcəkdir".
