\"ABŞ-la tərəfdaşlıq Çinə daha sərfəlidir\"

Çinin bankları Rusiyaya qarşı tətbiq olunmuş sanksiyalara qoşulublar.

Bankların Rusiyaya qarşı tətbiq edilən sanksiyalara qoşulma səbəbi ABŞ-dakı tərəfdaşlarını itirməməkdir.

Çin banklarının atdığı bu addım Rusiyanı şoka salıb.

Bu məsələ ilə bağlı Ölkə.az politoloq Zərdüşt Əlizadənin fikirlərini öyrənib:

"Burada heç bir qəribəlik yoxdur. Çinin ABŞ-la ticarət mübadiləsi yüz milyardlarla dollarla ölçülür. Rusiya ilə Çinin ticarət dövriyyəsinin həcmi isə çox kiçikdir. ABŞ-la ticari tərəfdaşlıq Çin üçün daha sərfəlidir. Burada siyasi səbəb yoxdur. Sanksiyalar məsələsi Rusiyanın öz məsələsidir. Əgər Çin Rusiya ilə xüsusi münasibətləri axıra kimi saxlasa idi, özü də ABŞ-dan ciddi sanksiyalar ala bilərdi. Bu da Çinin milli iqtisadiyyatına ağır zərbə ola bilərdi. Rusiya da bunu anlayır və Çinə heç bir təzyiq etməyəcək".

Qeyd edək ki, Çin banklarından yalnız ikisi "Exsimbank" və "Chine Development Bank" hələlik Rusiya ilə maliyyə əməliyyatlarını həyata keçirəcəklər.

Səxavət Məmməd
Ölkə.Az