Angela Merkelin Türkiyəyə rəsmi səfəri başladı
Türkiyəyə rəsmi səfərə gələn Almaniya kansleri Angela Merkeli baş nazir Əhməd Davudoğlu fəxri qarovul dəstəsi ilə qarşıladı.
Ölkə.Az xəbər verir ki, Çankaya köşkündəki tədbirdə iki ölkənin himnləri səsləndikdən sonra Merkel qarovul dəstəsini “Salam əsgər” deyərək türkcə salamlayıb.
Davudoğlu və Merkel rəsmi heyətlərini təqdim etdikdən sonra şəkil çəkdiriblər.
Daha sonra köşkün eyvanda Davudoğlu və Merkel bir müddət Ankaranı seyr ediblər.
Sonra səfərinə Anıtkabiri ziyareti ilə başlayan Merkel Atatürkün məzarı önünə əklil qoyub.
Xatirə dəftərinə: “Türk və alman xalqları arasında xüsusi dostluq ruhu ilə çağdaş Türkiyə Cümhuriyyətinin atası və Avropaya gedən yolun memarı Mustafa Kamal Atatürkün xatirəsinə dərin hörmətlərimlə” yazıb.
