"Qarabağ həllinin açarı prezidentlərin əlindədir"
“ATƏT-in Minsk qrupunun həmsədrləri kimi toqquşma risklərinin azaldılması və dialoq imkanları ilə bağlı təkliflər təqdim edəcəyik. Məqsədimiz münaqişənin tənzimlənməsi istiqamətində danışıqları dəstəkləməkdir”.
Ölkə.Az APA-ya istinadən xəbər verir ki, bunu ATƏT-in Minsk qrupunun amerikalı həmsədri Ceyms Uorlik “armenpress.com” saytına müsahibəsində deyib.
O bildirib ki, ATƏT-in Minsk qrupu danışıqlar prosesinin əsas formatı olaraq qalmaqda davam edir.
“Ümid edirk ki, Ermənistan və Azərbaycan münaqişənin Minsk qrupu çərçivəsində tənzimlənməsi işinə sadiq qalacaqlar. Münaqişənin həlli üçün prezidentlər siyasi iradə nümayiş etdirməlidirlər. Biz intensiv dialoq və daha koordinasiyalı danışıqlara töhfə vermək arzusundayıq”, - deyə həmsədr qeyd edib.
C. Uorlik həmsədrlərin regiona səfərinin planlaşdırılmadığını da diqqətə çatdırıb.
