"Azərbaycan İslam koalisiyasına qoşulmalıdır"

200 minlik "İslam ordusu" hərbi təlimlərə başlayıb

Hərbi təlimdə 20 müsəlman ölkəsinin hərbiçiləri iştirak edir. Təlimdə 100 hərbi təyyarə və yüzlərlə döyüş texnikası da iştirak edir.

"İslam ordusu"nun təlimi ilə bağlı hərbi ekspert Üzeyir Cəfərov Ölkə.Az-a danışıb:

"İslam dövlətlərinin hərbi təlimlər keçirmək təşəbbüsü 2011-ci ildə Türkiyədən gəlib. Nəhayət ki, o koalisiya artıq sənəd üzərində deyil, reallıqda da var. 20 müsəlman ölkəsinin 200 minlik ordusu Səudiyyə Ərəbistanında praktiki olaraq hərbi təlimlərə başlayıblar. Bu koalisiya 34 ölkənin iştirakı ilə təşkil olunmuşdu. Azərbaycan da bu koalisiyaya qoşulmaq üçün təklif almışdı, ancaq rəsmi Bakı hələ ki, bu məsələ ilə bağlı mövqeyini bildirməyib. Düşünürəm ki, orada Türkiyə və Pakistan varsa, Azərbaycan da gec-tez o koalisiyaya qoşulacaq.

Dünyada yeganə həri güc NATO sayılır, ancaq müsəlman dünaysının bu koalisiyasını kiçik NATO hesab etmək olar. Prakitiki təlimlər də ona hesablanıb ki, müsəlman dövlətləri ərazisindəki konfiliktələri İslam koalisiyası həll etsin. Bu ilk təlimdir. Bu təlimin davamı da olacaq.

Bu təlimi alqışlamaq lazımdır. Onsuz da dünyada müsəlmanlar haqlı olduğu halda haqsız münasibətlə üzləşirlər və diskriminasiyaya məruz qalırlar. Rusiyanın Ermənistanı davamlı olaraq silahla təchiz etməsi buna sübutlardan biridir. Bəziləri deyir ki, Azərbaycan bu koalisiyanın üzvü olmasın, ancaq məncə Azərbaycan çalışmalıdır ki, bu koalisiyanın üzvü olsun".

Səxavət Məmməd
Ölkə.Az