Prezident Maroş Şevçoviçlə görüşüb
Azərbaycan prezidenti İlham Əliyev Avropa Komissiyasının Enerji İttifaqı üzrə vitse-prezidenti Maroş Şevçoviçlə görüşüb.
Bu barədə vitse-prezident özünün “Twitter” səhifəsində yazıb.
Tərəflər görüşdə Cənub Qaz Dəhlizi layihəsi ilə bağlı müzakirələr aparıblar.
“Avropanın Xəzər qazı ilə təmin edilməsi üçün davamlı öhdəlikləri dəyərləndiririk”, - deyə Maroş Şevçoviç qeyd edib.
Qeyd edək ki, görüş Cənub Qaz Dəhlizi üzrə Məşvərət Şurasının II toplantısı çərçivəsində baş tutub.