Ərdoğanın növbəti Bakı planı
Türkiyə prezidenti Rəcəb Tayyib Ərdoğan apreldə Bakıya gələcək və BMT-nin sivilizasiyalar Alyansının VII Qlobal Forumunda iştirak edəcək.
Ölkə.Az xəbər verir ki, bu barədə Türkiyənin Bakıdakı səfiri İsmayıl Alper Coşqun virtualaz.org-a açıqlamasında bildirib.
Xatırladaq ki, Ərdoğan fevralın 18-də Gəncəyə səfər etməli idi. Lakin görüş yeri Gəncədə güclü duman olması səbəbindən Bakıya dəyişdirilmişdi.
Daha sonra isə Ankarada törədilən terror Bakı səfərinin də təxirə salınmasına səbəb olub.
Səfir Ərdoğanın Bakıya əvvəl planlaşdırılan səfərinin onun Qlobal Forumda iştirakı ilə eyni vaxtda baş verəcəyini hələ dəqiq bilmədiyini deyib: “Bu məsələ Ankarada müzakirə olunur”.
