Elmar Məmmədyarov Çinə gedir
Xarici işlər naziri Elmar Məmmədyarov Çinə işgüzar səfərə gedəcək.
Nazirliyin mətbuat xidmətindən verilən məlumata görə, Elmar Məmmədyarov 13-14 mart tarixlərində Çin Xalq Respublikasına işgüzar səfər edəcək.
Səfər çərçivəsində E. Məmmədyarov Şanxay Əməkdaşlıq Təşkilatının rəhbərliyi ilə görüşlər keçirəcək və Azərbaycan Respublikasına Şanxay Əməkdaşlıq Təşkilatının Dialoq üzrə Tərəfdaşı statusunun verilməsinə dair Memorandumu imzalayacaq.
Nazirin həmçinin, səfər əsnasında Çinin bir sıra rəsmi şəxsləri ilə görüşləri də nəzərdə tutulub.
