ABŞ-dan 20 mart tarixinə növbəti
Amerika Birləşmiş Ştatlarının Türkiyədəki səfirliyi ölkədə fəaliyyət göstərən ABŞ şirkətlərinə terror xəbərdarlığı ilə əlaqədar məktub göndərib.
Ölkə.Az-ın Türkiyə mediasına istinadən verdiyi xəbərə görə, ABŞ səfirliyinin amerikan şirkətlərinə ünvanladığı məktubunda 20 martda Türkiyədə növbəti terrorun gözlənildiyini bildirilib.
Kəşfiyyat məlumatları əsasında hazırlanmış məktubda ABŞ vətəndaşlarına inzibati, hərbi strukturların yerləşdiyi binalardan, diplomatik korpuslara məxsus ərazilərdən, ibadət, əyləncə və ticarət mərkəzlərindən uzaq durmaları tövsiyyə edilir.
Məktubda həmçinin qeyd olunur ki, insanların sıxlıq təşkil etdiyi yerlər daha təhlükəlidir.
Qeyd edək ki, səfirlik ABŞ vətəndaşlarına martın 11-də də eyni məzmunlu mesajla xəbərdalıq etmişdi. Bu mesajdan iki gün sonra isə Ankarada 37 nəfərin ölümü, 125 nəfərin yaralanması ilə nəticələnən terror aktı törədildi.
