Baş nazir: "Ermənistan vaxtı uzadaraq problemin həllindən yayınır"
2015-ci ildə Azərbaycanda Ordu quruculuğu, Silahlı Qüvvələrin maddi-texniki bazasının gücləndirilməsinə xüsusi diqqət yetilib.
Ölkə.Az Trend-ə istinadən xəbər verir ki, bunu Azərbaycanın Baş naziri Artur Rəsi-zadə bu gün Milli Məclisin iclasında “Azərbaycan Respublikası Nazirlər Kabinetinin 2015-ci ildə fəaliyyəti haqqında hesabat”ı təqdim edərkən deyib.
A.Rəsi-zadə bildirib ki, bunun da səbəbi Dağlıq Qarabağ münaqişəsinin davam etməsidir.
Baş nazir qeyd edib ki, qarşı tərəf yenə də vaxtı uzadaraq problemin həllindən yayınır və beynəlxalq qurumlar bu məsələdə hüquqa zidd mövqe tutub.
A.Rəsi-zadə deyib ki, bunu nəzərə alaraq Ordunun gücləndirilməsinə xüsusi diqqət yetirilib və Ordumuz xeyli güclənib: “Düşmənin təxribatlarına Ordumuzun verdiyi tutarlı cavablar da bunu sübut edir”.
