Ərdoğan yenə Bakıya gəlməyi planlayır
Türkiyə Prezidenti Rəcəb Tayyib Ərdoğan bu il aprelin 25-27-də Bakıda keçiriləcək BMT-nin Sivilizasiyalar Alyansının 7-ci Qlobal Forumunda iştirak edəcək.
Ölkə.Az-ın Trend-ə istinadən məlumatına görə, bunu Türkiyə-Azərbaycan Yüksək Səviyyəli Strateji Əməkdaşlıq Şurasının Ankarada keçirilən V iclasından sonra mətbuata bəyanatlarla çıxışında Türkiyə Prezidenti Rəcəb Tayyib Ərdoğan deyib.
Onun sözlərinə görə, bundan başqa, bəzi beynəlxalq tədbirlər gözlənilir və həmin tədbirlər zamanı yüksək səviyyədə görüş keçiriləcək.
Xatırladaq ki, Türkiyə prezidentinin bundan əvvəl Azərbaycana planlaşdırılan 2 səfəri terror hadisələri səbəbindən təxirə salınıb.
