İlham Əliyev yunanıstanlı həmkarını təbrik etdi

Prezident İlham Əliyev Yunanıstan Prezidenti Prokopis Pavlopulosu bu ölkənin Müstəqillik günü münasibətilə təbrik edib. 

Ölkə.Az xəbər verir ki, təbrikdə deyilir: 

“Yunanıstan Respublikasının milli bayramı – Müstəqillik günü münasibətilə Sizə və xalqınıza öz adımdan və Azərbaycan xalqı adından ən səmimi təbriklərimi yetirirəm.

İnanıram ki, Azərbaycan-Yunanıstan münasibətlərinin inkişafı, əməkdaşlığımızın genişlənməsi bundan sonra da xalqlarımızın rifahına töhfələr verəcəkdir.

Belə bir xoş gündə Sizə möhkəm cansağlığı, işlərinizdə uğurlar, dost Yunanıstan xalqına daim əmin-amanlıq və firavanlıq diləyirəm”.