Britaniyalı millət vəkili: ATƏT Dağlıq Qarabağ və ətraf rayonların işğalı məsələsini həll edə bilməyib

Böyük Britaniya - Azərbaycan Parlamentlərarası Dostluq Qrupunun sədr müavini Lord Kilkuni Dağlıq Qarabağda Ermənistan-Azərbaycan qoşunlarının təmas xəttində vəziyyətin gərginləşməsi ilə əlaqədar açıqlama verib:

"Mən dəfələrlə demişəm ki, ATƏT-in Minsk Qrupu Dağlıq Qarabağ və ətraf rayonların erməni işğalından azad olunması məsələsini həll edə bilməmişdir. BMT Təhlükəsizlik Şurasının dörd qətnaməsi vardır ki, onlar Ermənistanı işğal olunmuş Azərbaycan ərazilərindən çıxmağa çağırır və bu qətnamalarin həyata keçirilməsinə məhəl qoyulmamışdır. Bunun nəticəsində Ermənistan tərəfindən cəbhə xəttində ciddi gərdinlik yaradılmış və təxribat baş vermişdir. Bu, 1994-cü ildə atəşkəs elan edildikdən sonra baş verən ən böyük zorakılıq halı kimi qiymətləndirilməlidir. Biz bu qətnamələrin icrasına nail olmalı və təcavüzü dayandırmalıyıq."

Ölkə.Az