Erməni səfir azərbaycanlı səfirlə efirə çıxmaqdan qorxdu
Parisdə Azərbaycanın Dostları Assosiasiyası Ermənistanın Fransadakı səfirinin Azərbaycanın bu ölkədəki səfiri Elçin Əmirbəyovla birlikdə Dağlıq Qarabağ bölgəsi və onun ətrafındakı 7 rayonun işğal olunması faktının müzakirəsi üçün “France 24” televiziya kanalının dəvətini rədd etməsinə təəssüfləndiyini bildirir.
Assosiasiyasının sədri Jan-Fransua Mansel bununla bağlı bəyanat yayıb.
Bəyanatda qeyd edilir ki, bununla da Ermənistan BMT-nin qətnamələrinə riayət etmədiyini və Dağlıq Qarabağı qeyri-qanuni işğal altında saxlayaraq beynəlxalq hüquq qaydalarının, eləcə də atəşkəsin pozulmasında məsuliyyət daşıdığını etiraf edir.
