Partiya sədri: Ermənistan narazı qalacaq, cəhənnəmin dibinə qədər yolu var
"Qarabağda qan tökülsün. Mənim şəxsən düşüncəm budur. Təmsil etdiyim partiyanın da istəyi budur. Dağlıq Qarabağda qan tökülsün və sel kimi axsın. Bu qan bizim igid əsgərlərimizin tökdüyü işğalçı erməni əsgərinin qanı olsun. Qoy minlərlə ana və bacının göz yaşı qurumasın. Lap ölənə kimi qurumasın. Bu göz yaşları erməni əsgərlərinin ana və bacıları olsun. Biz müharibə istəmirik, heç kimin də qanının axıdılmasına razı deyilik. Amma, torpağımızı işğal edən və onu işğal altında saxlayan düşmən əsgərinin qanını axıtmaq Azərbaycan əsgərinə halaldır". Bu sözləri AXCP sədri Razi Nurullayev deyib.
Ölkə.Az AXCP sədri Razi Nurullayevin Dağlıq Qarabağ münaqişəsi ətrafında gedən son proseslərlə bağlı səsləndirdiyi fikirlərini sizə təqdim edir:
"Kaş ki, nə Rusiyanın, nə də digər ölkələrinin hədə və təhdidlərinə boyun əyməyəydik. Dörd günlük müharibədə heç dayanmazdıq və gücümüz çatan qədər torpaqlarımızı azad edəydik. Bu gün, o zaman Rusiya baş naziri Dmitri Medvedevin sözləri də bizi bu qədər yaralamazdı. Necə yəni, "problem odur ki, münaqişənin istənilən həlli bir tərəfi qane edəcək, digər tərəfi isə narazı salacaq". Bu nə məsuliyyətsiz və düşünülməmiş yanaşmadır? Axı Rusiya, rəsmi olaraq Azərbaycanın ərazi bütövlüyünü tanıyır. Ermənistan, cəhənnəm olub Azərbaycan torpağından çəkilsin. İşğal etdiyi torpaqdan çəkilməsi deyilincə, Ermənistan narazı qalacaq, cəhənnəmin dibinə qədər yolu var.
İndi Ermənsitanda Serj Sərkisyan kimi əli qana batmış və vəzifə, mövqe üçün hər şeyə hazır olan bir iki nəfər narazı qalmasın deyə, bir milyona yaxın qaçqın və köçkün, 10 milyonluq Azərbaycan xalqı narazı qalsın? Onlar zülüm içində boğulsunlar, onlar əzan və zəiyyət içində yaşasınlar? Bu cür ifadə dövlət ərkanı görmüş, prezidentlik kürsüsündə oturmuş bir siyasətçiyə yaraşan ifadədirmi?
Baş nazir Medvedev deyir ki, "Əgər münaqişəni dondurulmuş vəziyyətdə saxlamaq, yəni onu tez bir zamanda həll etmək qərarından imtina etmək və münaqişənin həlli yolunda verilən insan itkiləri arasında seçim etməli olsam, mən yenə də ikincini seçərəm. Yaxşısı budur vəziyyət belə qalsın, amma qan tökülməsin”. Bu o deməkdir ki, Rusiya Azərbaycanı aldatdı. Azərbaycan xalqı Rusiya siyasi elitasının Ermənistana təzyiq göstərəcəyini və ən azından 5 rayonun ilkin mərhələdə azad edilməsini gözləyirdi. Bu gözlənti suya düşdü və boğuldu. Bununla barışa bilmərik.
Azərbaycan belə çıxır ki, münaqişənin həllində Rusiyanı da qarşısına almalıdır. Nə olursa olsun, boyun əymək olmaz. Mərdi qova-qova namərd etmək istəyirlər. Onun üçün də Türk dövlətlərinin və üstəgəl Paksitanın daha sıx birliyini sürətlə gündəmə gətirmək və konkret addımlar atmaq vaxtıdır. Düşmən güc görməyincə geri çəkilən deyil. Biz partiya olaraq, bu sahədə müzakirələr aparacaq və potensial təkliflərimizi təqdim edəcəyik".
