Başqan müavini: "Tural Abbaslı vaxtında ərizəsini verib Müsavat Partiyasından çıxmalıdır"

Ağ Blokun həmtəsisçisi Tural Abbaslı AĞ Partiya yaradacaqlarını və qurultaya hazırlaşdıqlarını bildirib.

Tural Abbaslı AĞ Partiyanın qurultayına hazırlaşmasına baxmayaraq Müsavat Partiyasının üzvüdür.

Tural Abbaslının yaradacağı partiya və hələ də Müsavat Partiyasının üzvü olması məsələsinə Müsavat Partiyası başqanının müavini, hüquqşünas Elman Fəttah Ölkə.Az-da münasibət bildirib:

"Tural Abbaslı ilə bağlı məsələlər məni maraqlandırmır. Müsavat Partiyasının daha vacib işləri var. Tural Abbaslı elan etmişdi ki, partiya yaradıram və Müsavat Partiyasından istefa verəcəm. Düşünürəm ki, Tural Abbaslı bu məsələni gecikdirir. O, gəlib vaxtında ərizəsini verməlidir və Müsavat Partiyasından çıxmalıdır".

Qeyd edək ki, 27 sentyabr 2014-cü ildə Səttar Bəhlulzadə adına Mədəniyyət Evində Müsavat Partiyasının qurultayı keçirilib. Qurultay zamanı baş tutan başqanlıq seçkilərində 449 nəfər seçici, 3 namizəd iştirak edib və 228 səs yığan Arif Hacılı partiyanın 6-cı başqanı seçilib. Arif Hacılının saxtakarlıqla başqan seçildiyini bildirən başqanlığa namizədlər Qubad İbadoğlu ADR hərəkatını, Tural Abbaslı isə "AĞ Blok" yaradıb.

Səxavət Məmməd
Ölkə.Az