Deputat: ABŞ-ın heç bir prezidenti \"erməni soyqırımı\"nı tanımayacaq

ABŞ Konqresinin Nümayəndələr Palatasının üzvü Adam Şiff prezident Barak Obamanı "erməni soyqırımını" tanımağa çağırıb.

Adam Şiff bildirib ki, Obama prezidentliyə namizəd olarkən "erməni soyqırımını" tanıyacağına vəd etsə də sonradan bundan imtina edib.

O bildirib ki, həmin hadisələrin ildönümünə bir neçə gün qalmış prezident Obama prezidentliyi dövründə öz vədinə əməl etmək üçün sonuncu imkandan istifadə edəcək.

Bununla bağlı millət vəkili Araz Əlizadə Ölkə.Az-a danışıb:

"Obamanın başı xarab olub ki, prezidentliyinin son dönəmində özünü dünyaya rüsvay etsin? Hər bir ağıllı adam başa düşür ki, bu tarixçilərin işidir. ABŞ müharibə elədiyi dövlətin xeyrinə kim olur olsun, istər hindu, istər erməni, istər qaradərili, istərsə də ingilis olsun fəaliyyət göstərsə, onları gətirib əyləşdirəcək kürsüyə. Ancaq elektrik kürsüsünə. Hər bir dövlətin hüququdur ki, ona xəyanət etmiş vətəndaşlarını cəzalandırsın.

Bu saxta soyqırımı ağıllı adam heç vaxt tanımaz. Fransızların əlacı yoxdur. Hətta Fransada ermənilər iki dəfə baş nazir olub. Kaliforniya ştatı "erməni soyqırımını" tanıyar, çünki orada milyon yarım erməni yaşayır. Prezident seçkilərinə gedən namizəd əlbəttə ermənilərə söz verəcək ki, "soyqırımı" tanıyacam. Ona görə ki, 2 milyon yarım ermənilərin seçici səsindən heç kəs imtina etməz. Çünki orada hər bir seçici səsinin böyük əhəmiyyəti var. Prezident olandan sonra vəziyyət dəyişir. Ona qalsa Obama söz vermişdi ki, Quantanamo həbsxanasını bağlayacaq, ancaq bağlamadı. Prezident seçilən gününün səhərisi Obamaya sülh mükafatı verdilər. Əksinə müharibə daha da qızışdı".

Səxavət Məmməd
Ölkə.Az