ABŞ-dan fərqli Qarabağ bəyanatı
ABŞ Dağlıq Qarabağ münaqişəsinin həlli ilə bağlı bəyanat yayıb.
Ölkə.Az anspress-ə istinadən xəbər veir ki, Amerika Birləşmiş Ştatları Dövlət Departamentinin rəsmi nümayəndəsi Con Kirbi deyib ki, biz birmənalı olaraq tezliklə danışıqlar prosesinin bərpasını arzu edirik.
ABŞ əvvəllər münaqişənin həllini ATƏT-in Minsk qrupu çərçivəsində nizama salmınmalı olduğunu deyirdi. Bu dəfə BMT çərçivəsində nizamlanma prosesini dəstəklədiyini qeyd edib.
Con Kirbi bildirib ki, Amerika Birləşmiş Ştatları BMT-in həll prosesini dəstəkləməyə davam edir. “Bu münaqişəsinin nizamlanmasının ən yaxşı variantdır. Minsk qrupunun ABŞ, Rusiya və Fransadan olan həmsədrləri regiona səfər ediblər. Onlar birmənalı olaraq bildiriblər ki, tezliklə danışıqlar prosesinə qayıdışı arzu edirlər. Biz BMT-yə və tərəflərin uzunmüddətli sülhə nail olmaq istiqamətində fəaliyyətə möhkəm sadiqik", - deyə Kirbi bildirib.
Cəbhə xəttində vəziyyət gərginləşdikdən sonra dünyanın bir çox nüfuzlu dövlətləri, o cümlədən ABŞ tərəfləri sülhə çağırdı. Həmin vaxt ABŞ-ın dövlət katibi Con Kerri və Rusiyanın xarici işlər naziri Sergey Lavrov arasında 2 dəfə telefon danışığı olub.
Onlar hər iki danışıq zamanı Dağlıq Qarabağ münaqişəsini müzakirə ediblər. Birinci telefon danışığından sonra yayılan təfarüatlarda bildirilirdi ki, ATƏT-in Minsk qrupu həmsədr ölkələri Rusiya, ABŞ və Fransanın səylərinin artırılması barədə razılıq əldə olunub.
Lavrov və Kerri müxtəlif “xarici oyunçuları” Qarabağ ətrafında qarşıdurmanı qızışdırmaq cəhdlərini qınayıblar. Amma ikinci telefon danışığının təfərüatları açıqlanmayıb.
ABŞ və Rusiya cəbhə xəttində atəşkəsin əldə olunmasını alğışlayıblar.
Anspress-in məlumatına görə, 1993-cü ildə BMT Təhlükəsizlik Şurası 822, 853, 874 və 884 saylı qətnamələr qəbul edib, Azərbaycana qarşı gücdən istifadəni və onun ərazilərinin işğalını pisləyib, eyni zamanda Azərbaycanın suverenliyi və ərazi bütövlüyünü, o cümlədən beynəlxalq səviyyədə tanınmış sərhədlərinin toxunulmazlığını bir daha təsdiq edib. Bu qətnamələrdə Təhlükəsizlik Şurası Dağlıq Qarabağı Azərbaycanın tərkib hissəsi kimi təsdiq edib və işğalçı qüvvələrin bütün işğal olunmuş Azərbaycan ərazilərindən dərhal, tamamilə və qeyd-şərtsiz çıxmasını tələb edib. Digər beynəlxalq təşkilatlar da buna oxşar sənədlər qəbul edib.
