Yaponiya İmperatoru Abid Şərifovu təltif etdi
Yaponiya hökuməti İmperator Akixito tərəfindən ordenlərlə təltif edilmiş 91 nəfər xarici namizədin adlarını açıqlayıb.
Yaponiyanın Azərbaycandakı səfirliyindən Ölkə.Az-a verilən məlumata görə, təltif olunanlar arasında Azərbaycan baş nazirinin müavini Abid Şərifovun da adı var.
A.Şərifov Yaponiya və Azərbaycan arasında dostluq və xüsusilə iqtisadiyyat sahəsində tərəfdaşlıq münasibətlərinin möhkəmlənməsi üçün göstərdiyi dəstəyin və töhfələrin, eləcə də iki ölkə arasında qarşılıqlı anlaşmanın təşviqinin tanınmasına görə geniş lentli Gündoğar Ordeni ilə təltif olunub.
