Polkovnik Manuxin: "Ermənilər başını itiriblər, səfərbərliyin heç bir xeyiri olmayacaq"
Ekspertin sözlərinə görə, ermənilər kimi yığmalarından asılı olmayaraq, Azərbaycan Silahlı Qüvvələri işğal olunmuş ərazilərdə ona qarşı duran düşməni məhv edəcək: "Belə əlahiddə hallar isə heç bir nəticə verməyəcək. Azərbaycanda olduğu kimi, hər bir ölkənin özünün hazırlıqlı Silahlı Qüvvələri olmalıdır. Daha kənardan cəlb edilənlərin xidmətindən istifadə edilməməlidir. Bu, heç bir dövlətin hərbi problemini həll etməyəcək. Mənə belə gəlir ki, aprelin əvvəlində Azərbaycan ordusunun əks-həmləsindən sonra ermənilər, sadəcə, başlarını itiriblər. Onlar bəyan edirlər ki, buranı dağıdacağıq, elə edəcəyik, belə edəcəyik. Bu, sadəcə, boşboğazlıqdır. Mən inanmıram ki, xaricdə hansısa yüksək rütbəli, vəzifəli, maaşlı hərbçi işini-gücü buraxıb Dağlıq Qarabağa gəlib Azərbaycana qarşı döyüşsün. Artıq onların xalq qarşısında "məğlubedilməzlik" sindromu sındırılıb. Bütün bunlar isə həmin nüfuzu bərpa etmək üçün, sadəcə, bir gedişdir.
Ermənistan ordusunda kadr "aclığı" var. Azərbaycan Ordusunda zabit heyətinə, Bakıdakı Ali Hərbi Məktəbin məzunlarına baxın. Konkret göz görəsi müəyyən inkişaf var. Azərbaycanın insan potensialına baxın. Amma ermənilərdə bu yoxdur axı..."