Ermənistan hökuməti: Biz Qarabağın müstəqilliyini təqdir etmirik
Ermənistanın baş nazirinin mətbuat katibi Qoar Poqosyan öz Facebook səhifəsində ölkə hökumətinin “Dağlıq Qarabağ Respublikasının” müstəqilliyinin tanınması ilə bağlı qanun layihəsini təqdir etməsi barədə xəbərləri təkzib edib.
“Hökumətin yekun rəyində qeyd olunur ki, icra orqanı qanun layihəsinin qəbulunu Ermənistan və Dağlıq Qarabağ arasında müzakirələrin nəticəsində, sonrakı inkişafı, o cümlədən xarici amilləri nəzərə almaq şərti ilə qəbul edəcək. Başqa sözlə, indiki mərhələdə hökumət “DQR”in müstəqilliyinin tanınması barədə qanun layihəsini təqdir etməyib”, - deyə o bildirib.
Bundan başqa Ermənistan parlamentinin mayın 10-da keçiriləcək növbədənkənar toplantısının gündəliyinə qondarma "Dağlıq Qarabağ Respublikası"nın tanınması məsələsi daxil edilməyib.
