![Səfir erməniləri pərt etdi: \](https://olke.az/photo/770x415/2016/05/09/128762.jpg "Səfir erməniləri pərt etdi: \")
Səfir erməniləri pərt etdi: \"Sübut edin ki, Rusiya Azərbaycanı silahlandırır\"
"Ermənistan Qarabağı tanıyıb? Ermənistan tanımayanadək, Rusiya Qarabağa silah sata bilməz".
Ölkə.Az Report-a istinadən xəbər verir ki, bunu Rusiyanın Yerevandakı səfirliyinin ikinci katibi uyğun suala cavab verərkən, jurnalistlərə "kameraları söndürün" xahişini etdikdən sonra söyləyib.
İnformasiyaya əsasən, Rusiyanın Ermənistandakı səfiri İvan Volınkin Yerevanda "Qələbə" parkında olub. Jurnalistlər ondan "Rusiya Azərbaycana niyə silah satır", - deyə, soruşublar.
Təkrarən həmin sualı səfirdən cavablandırmağı xahiş edəndə isə, o, bildirib: "Gəlin, unutmayaq, biz Ermənistana da silah satırıq. Sübut edin ki, Rusiya Azərbaycanı silahlandırır”.
Səfiri müşayiət edən ikinci katib media nümayəndələrinə "mikrofonları söndürün" söylədikdən sonra bildirib: "Ermənistan Qarabağı tanıyıb? Ermənistan tanımayanadək, Rusiya Qarabağa silah sata bilməz".
Qeyd edək ki, Azərbaycanın işğal altında olan Dağlıq Qarabağda bölgəsindəki erməni silahlıları Rusiya istehsalı olan silah-sursatdan istifadə edirlər.
