Ekspert: Rus gəmilərinin Azərbaycana gəlişi "güc nümayişi" deyil

Rusiya hərbi dəniz qüvvələrinin iki kreyserinin Bakı buxtasına daxil olması və bunun ətrafında mediada yaranan geniş müzakirəni Ölkə.az-a hərbi ekspert Üzeyir Cəfərov şərh etdi:

Üzeyir Cəfərov: "Burda qeyri adi heç nə yoxdur. Bu cür səfərlər təşkil olunur, son vaxtlar bu intensiv xarakter alıb. Bu səfərlər tanışlıq xarakteri daşıyır. İki ölkənin hərbi dəniz qüvvələrinin nümayəndələri bir-biri ilə daha yaxından tanış olurlar. Hazırda Rusiyanın iki hərbi gəmisi Bakıdadır. Rusiyalı nümayəndələr Ali Hərbi Dənizçilik məktəbində olacaqlar. Rusiyanın Hərbi Dəniz qüvvələrində rəhbər vəzifələrində çalışanların xeyli hissəsi Bakı Alı Hərbi Dənizçilik məktəbinin yetirmələri olub. Ötən il bizim dənizçilər Rusiyada, Həştərxanda oldular, indi isə ruslar Bakıya qonaq gəliblər. 2105-ci ildə Azərbaycan Hərbi Dəniz Qüvvələrinin Rusiyaya səfəri planlaşdırılır. Rusiyanın Müdafiə Naziri Azərbaycanda olanda Hərbi Dəniz Qüvvələrinin məsələsi ilə bağlı müzakirələr aparıldı. Müzakirələrdə iki ölkənin hərbi dənizçilərinin təlimlərdə bir yerdə iştirkı da nəzərdə tutulur. Rusiya hərbi gəmilərinin Bakıya gəlməsini ruslar Azərbaycana güc nümayiş etdirir kimi şərh etmək düzgün deyil, bu iddiaların heç bir əsası yoxdur".

Səxavət Məmməd

Ölkə.az