"Əgər Rusiya Ermənistana əmr etsə..."

Xarici işlər naziri Elmar Məmmədyarov Azərbaycan və Ermənistan prezidentlərinin Parisdəki görüşünü şərh edərkən deyib ki, "Azərbaycan böyük sülh sazişi üzərində işə başlamağa hazırdır". 

Bu çıxış ölkə daxilində, eləcə də MDB məkanında siyasi kulislərin ən qızğın müzakirə edilən mövzusuna çevrildi. Bəs, görəsən, böyük Qarabağ sazişinin imzalanma ehtimalı nə dərəcədə realdır? Politoloq Zərdüşt Əlizadə Ölkə.az-a "Böyük Qarabağ sazişi"nin imzalanma ehtimalından danışdı.

"Əgər Rusiya Ermənistana əmr etsə, onlar asılı ölkə olaraq sülh sazişini imzalaya bilərlər"  

"Qarabağ məsələsində hər şey Rusiyadan asılıdır. Əgər Rusiya Ermənistana əmr etsə, onlar asılı ölkə olaraq sülh sazişini imzalaya bilərlər.  Bu zaman əlbəttə ki, etirazlar olacaq, amma Ermənistanda dövlət cəmiyyətdən güclüdür, Azərbaycanda olduğu kimi. Qısacası hər şey Rusiyanın əlindədir. Bu münaqişəni başladan, qızışdıran, idarə edən, həmçinin qalibi, məğlubu müəyyənləşdirən Rusiyadır. İstənilən halda camaatı, xalqı narahat edən problem qismən də olsa, həll edilərsə, müsbətə doğru dəyişilərsə, bu uğurdur".

Qeyd edək ki, Elmar Məmmədyarov Ermənistan tərəfindən cavab gözlədiklərini qeyd edib.

Fatimə İbrahimova

Ölkə.az