Müxalifət partiyaları toplantı keçirir

Oktyabrın 15-də ölkə müxalifəti Avropa Parlamentinin Aazərbaycandakı mövcud vəziyyətlə bağlı qətnaməsini müzakirə etmək üçün toplaşıb

Müsavat Partiyasının qərargahında keçirilən tədbirdə Müsavat, ADP, “Ümid”, KXCP, AXP və digər partiyaların təmsilçiləri iştirak edirlər. 

KXCP sədri Mirmahmud Mirəlioğlu bildirib ki, tədbirin yekununda müxalifətin bəyanatı gözlənilir.

“Ümid” Partiyasının sədri İqbal Ağazadə isə bildirib ki, ölkədə insan hüquqları sahəsində vəziyyət aramsız olaraq pisləşir. O qeyd edib ki, Azərbaycan hakimiyyəti bir çox beynəlxalq təşkilatlar qarşısında üzərinə demokratikləşmə ilə bağlı öhdəliklər götürüb: “Dünyanın heç bir yerində demokratikləşmə ölkənin iç problemi deyil”. 

İ.Ağazadənin sözlərinə görə, israrla, daha geniş tərkibdə proses aparılmalıdır, bu, tədbirlərdən tutmuş aksiyalara qədər ola bilər: “Azərbaycanın yeri demokratik dünyadır. Demokratik dünyada yer almağımız üçün də üzərimizə, iqtidarın üzərinə çox böyük məsuliyyət düşür. Ölkədə barış, dialoq mühiti yaradılmalıdır”./Musavat.com/

Ölkə.Az