Araz Əzimovun İsrail səfəri haqda
“Xarici işlər nazirinin müavini Araz Əzimovun İsrailə və Fələstin Dövlətinə səfəri, keçirdiyi görüşləri və apardığı danışıqları barədə XİN-nin Mətbuat xidmətinin açıqlamasında məlumat verilib”.
Azərbaycan Xarici İşlər Nazirliyinin mətbuat xidmətindən Ölkə.Az-a verilən məlumata görə, bunu XİN-nin Mətbuat xidmətinin rəhbəri Hikmət Hacıyev deyib.
O, bildirib ki, mətbuat açıqlaması müvafiq olaraq XİN-nin rəsmi internet saytı və sosial şəbəkə profillərindən əldə edilə bilər:
“Bundan kənar hər hansı şərhlər və ya iddia edilən iqtibaslar yalnız bəzi KİV-in təhrifləridir”.
Xatırladaq ki, bəzi KİV-lərdə Araz Əzimovun İsrail parlamentində keçirilən görüşdə bütün dövlətlərin, o cümlədən İranın nüvə enerjisindən sülh məqsədi ilə istifadə hüququnun olduğunu təsdiq etdiyi haqda məlumatlar yayılmışdı.