AXCP ilə Türkiyənin Demokratik Sol Partiyası arasında (DSP) görüş keçirilib
Azərbaycan Xalq Cəbhəsi Partiyasının (AXCP) sədri Razi Nurullayev Türkiyədə Demokratik Sol Partiya (DSP) rəhbərliyi ilə görüşüb.
AXCP-nin mətbuat xidmətindən Ölkə.Az-a bildirilib ki, bu barədə Razi Nurullayev özü məlumat verib.
Razi Nurullayevin sözlərinə görə görüş zamanı Azərbaycan Xalq Cəbhəsi Partiyası (AXCP) ilə Demokratik Sol Parti arasında münasibətlərin dərinləşməsi və Azərbaycanla Türkiyə arasında faydalı layihələrin həyata keçirilməsi üzrə danışıqlar aparılıb:
“Brüsseldən dönərkən çoxdan planlaşdırdığım görüşü həyata keçirdim. İstanbulda Demokratik Sol Parti (DSP) ilə görüşümüz oldu. Azərbaycan Xalq Cəbhəsi Partiyası (AXCP) ilə Demokratik Sol Parti arasında münasibətlərin dərinləşməsi, qarşılıqlı görüşlərin mütamadı keçirilməsi və iki dövlət bir millət adına qarşılıqlı faydalı projelərin həyata keçirilməsi üzrə danışdıq. Demokratik Sol Parti Genel Başqanı Ankarada olduğu üçün görüşə qatıla bilmədi. Amma, yaxın zamanlarda Ankaraya səfər çərçivəsində ikinci bir görüşün keçirilməsini planlaşdırdıq”.
AXCP sədri qeyd edib ki, görüş zamanı Azərbaycan-Türkiyə arasında viza rejimi məsələsi də müzakirə edilib:
“Deməliyəm ki, DSP Genel Başkan Yardımısı Onur Iste, DSP İstanbul başkanı hanım Çiğdem Mercan, DSP Meclis üzvü Soner Baykal, o cümlədən sosial media və şəbəkələr üzrə məsul T C Ilter Güven ilə görüşdən çox məmnun qaldım və çox şey planladıq. Partiyanın qurucusu rəhmətlik Bülent Eceviti də andıq.
Görüşdə Azərbacyan və Türkiyənin qardaş ölkə olduğunu vurğulamaqla bərabər, iki ölkə arasında viza rejiminin olmasının da utancverici olduğunu söylədik.
Almaniyanın qondarma erməni soyqırımı tanıması faktını da bərabər şəkildə lənətlədik, o cümlədən bu kimi basqılara dayanmaq üçün də Türk dövlətlərinin daha sıx birləşməsinin zəruri olmasını vurğuladıq”.
