Ermənistan XİN: Qarabağla bağlı danışıqlar uğurlu olub
Nazir görüşlərin XİN rəhbərləri səviyyəsində davam etdiriləcəyini qeyd edib.
Ermənistanın xarici işlər naziri Edvard Nalbandyan Sankt-Peterburqda Azərbaycan, Ermənistan və Rusiya prezidentləri arasında keçirilən görüşü müsbət qiymətləndirib.
“Bugünkü görüş faydalı oldu. Müəyyən ehtiyatla qeyd edə bilərəm ki, konstruktiv atmosferdə keçirildi” - , E.Nalbandyan jurnalistlərə açıqlamasında deyib.
Nazir görüşlərin yalnız prezident səviyyəsində deyil, həm də XİN rəhbərləri səviyyəsində davam etdiriləcəyini vurğulayıb:
“Bütün proseslər ATƏT-in Minsk qrupu formatında həyata keçiriləcək”. (oxu.az)