"Ərdoğan səhv etdiyini anladı və üzr istədi"

Türkiyə ilə Rusiya arasında buzlar əriməyə başlayıb.

Artıq Putin iki dövlət arasında münasibətlərin yaxşılaşması üçün bir-neçə qadağanın aradan qaldırılması ilə bağlı tapşırıq da verib.

Türkiyə Rusiya münasibətləri bundan sonra necə olacaq sualına millət vəkili Araz Əlizadə Ölkə.Az-a verdiyi açıqlama ilə aydınlıq gətirib:

"Rusiya-Türkiyə münasibətləri düzəlməyə başlasa da, düşünmürəm ki, əvvəlki səviyyəyə qalxa bilsin. Siyasətdə daimi düşmən, daimi dost olmur. Siyasətdə daima maraqlar olur. Türkiyənin də maraqları var, Rusiyanın da. Hər iki dövlət öz maraqları çərçivəsində əməkdaşlıq edəcək".

Ərdoğanın Putindən üzr istəməsindən sonra onun ölkə daxilində və xaricdə tənqid atəşinə tutulmasını millət vəkili belə şərh edib:

"Türkiyə Rusiya hərbi təyyarəsini vuranda yadıma gəlmir ki, Ərdoğanı məndən başqa kimsə tənqid eləsin. Ərdoğan səhv etdiyini anladı və üzr istədi".

Xatırladaq ki, Rusiya-Türkiyə münasibətlərininötən ilin sonunda kəskin pisləşməsinə səbəb, Türkiyənin Rusiyaya aid olan hərbi təyyarəni vurması olmuşdu.

Səxavət Məmməd
Ölkə.Az