Papa Azərbaycana səfərinin səbəbini açıqladı
Roma Papası Fransisk sentyabrın 30-dan oktyabrın 2-dək Gürcüstan və Azərbaycana səfər edəcək.
Ölkə.Az Report-a istinadən xəbər verir ki, bu barədə Papa Fransisk Vatikandakı çıxışı zamanı bildirib.
O, bu ölkələrə səfər etmək dəvətini iki səbəbdən qəbul etdiyini vurğulayıb.
“Birincisi, bu torpaqlarda mövcud olan qədim xristian köklərinin dəyəridir. Bu, həmişə digər dinlər və mədəniyyətlərlə dialoq ruhudur”, - deyən Roma Papası ikinci səbəb kimi sülhə ümid və yollarının təşviqini göstərib.
“Tarix bizi sülh yolunun böyük əzm və kiçikdən başlayaraq tədricən böyüyən, bir-birinə güzəştə gedən daimi addımlar tələb etdiyini öyrədir. Bu səbəbdən arzum hər kəsin barışığa öz töhfəsini verməsidir”, - pontifik bildirib.
Xatırladaq ki, iyunun 24-26-da Roma Papası Ermənistanda səfərdə olub.
