Sekuta: ABŞ Azərbaycanla münasibətləri davam etdirmək niyyətindədir
Briləşmiş Ştatlar 23 il ərzində Azərbaycana 1,3 milyard dollar həcmində köməklik göstərib.
ABŞ güclü, müstəqil və demokratik dövlət olan Azərbaycanla münasibətləri davam etdirmək niyyətindədir.
Ölkə.Az-ın Report-a istinadən məlumatına görə, bunu ABŞ-ın Azərbaycandakı səfiri Robert Sekuta ölkəsinin müstəqilliyini qazanmasının 240-cı ildönümünə həsr olunmuş tədbirdə deyib.
Səfir xatırladıb ki, ABŞ Azərbaycanı 1991-ci ildə müstəqilliyini elan edərkən dəstəkləyib. O deyib ki, Azərbaycan və ABŞ hərbçiləri Əfqanıstan, Kosova və İraqda sülhməramlı missiyalarda çiyin-çiyinə iştirak ediblər.
R.Sekuta qeyd edib ki, ABŞ 1993-cü ildən Azərbaycana 1,3 mlrd. dollar həcmində humanitar yardım da daxil olmaqla köməklik göstərib.
“Bu ilin mart ayında Azərbaycan Prezidentinin ABŞ-a səfəri iki ölkə arasında mövcud olan münasibətlərin inkişafına öz töhfəsini verəcək”, - deyə səfir vurğulayıb.
