Ermənistanın beynəlxalq hüquqdan bəhs etməsi həyasızlığın pik nöqtəsidir

 Kollektiv Təhlükəsizlik Müqaviləsi Təşkilatı (KTMT) Xarici İşlər Nazirləri Şurasının Yerevanda toplantısı keçirilib.

Toplantıda Dağlıq Qarabağ probleminə dair xüsusi bəyanat verilib. Bəyanatda deyilir: "Biz Dağlıq Qarabağ probleminin yalnız sülh yolu ilə həllinin vacibliyini dəstəkləyərək, münaqişənin zor işlətməmək və ya zor işlətməklə hədələməmək, dövlətlərin ərazi bütövlüyü, xalqların bərabərliyi və öz müqəddəratını təyin etmək hüququna dair BMT Nizamnaməsi, Helsinki Yekun Aktı və ATƏT-in Minsk Qrupu həmsədrlərinin beynəlxalq hüquq normaları çərçivəsində göstərdiyi səyləri alqışlayırıq".

Millət vəkili Araz Əlizadə KTMT-nin Yerevan toplantısında səslənən bəyanatla bağlı fikirlərini Ölkə.Az-la bölüşüb:

"Bəyanatda səslənən fikir tamamilə səhvdir. BMT-nin nizamnaməsində bildirilir ki, dövlətlərin razılığı olmadan onun ərazsini dəyişmək olmaz. Bundan sonra xalqların öz müqəddəratını həll etmək hüququ gəlir. BMT Nizamnaməsində hər bir ölkənin ərazisinin toxunulmazlığı birinci şərtdir.

Əgər ermənilər öz müqəddaratlarını həlletmək istəyirlərsə onlar artıq bunu Azərbaycanın hesabına həll ediblər. Ermənilər hələ 1918-ci ildə Azərbacan ərazsində dövlətlərini yaradıblar. Bütün beynəlxalq hüquq normalarını tapdalayıb, beynəlxalq hüquqdan bəhs etməsi həyasızlığın pik nöqtəsidir. BMT Nizamnaməsindən danışan Ermənistan ilk növbədə BMT Təhlükəsizlik Şurasının Dağlıq Qarabağla bağlı qəbul etdiyi 4 qətnaməyə əməl etməlidir".

Qeyd edək ki, Ermənistanın Azərbaycana etdiyi təcavüzlə bağlı BMT Təhlükəsizlik Şurası tərəfindən 1993-cü ildə 4 qətnamə (822, 853, 874 və 884) qəbul edilib.

Səxavət Məmməd
Ölkə.Az