Baş nazir olması gözlənilirdi, XİN rəhbəri oldu

Londonun sabiq meri, Mühafizəkarlar Partiyasının üzvü Boris Conson Böyük Britaniyanın xarici işlər naziri təyin edilib.

Ölkə.Az Reuters agentliyinə istinadən xəbər verir ki, Böyük Britaniyanın Avropa İttifaqının tərkibindən çıxmasının əsas tərəfdarlarından biri olan Boris Consonun ölkənin baş naziri olması gözlənilirdi, lakin o siyasətə qatılmayacağını söyləyərək söz söhbətlərə son qoymuşdu.

Böyük Britaniyanın sabiq XİN rəhbəri Filip Hammond bundan sonra maliyyə nazirliyinə rəhbərlik edəcək. Daxili işlər naziri vəzifəsinə isə sabiq energetika naziri Amber Radd gətirilib.

Müdafiə naziri Maykl Fellonun öz vəzifəsində qaldığı bildirilir.

İlhamə
Ölkə.Az