Zaxarova azərbaycanlı və ermənistanlı jurnalistləri qınadı

Rusiya XİN-in mətbuat xidmətinin rəhbəri Mariya Zaxarova öz “Facebook” səhifəsində azərbaycanlı və ermənistanlı jurnalistlərə üz tutub.

Ölkə.Az xəbər verir ki, o hər iki ölkənin jurnalistlərini yalnız öz mövqelərini düşünməkdə və lazımsız sensasiya düzəltməkdə qınayıb. Zaxarovanın fikrincə, azərbaycanlı və ermənistanlı jurnalistlərin səriştəsizliyi sülh danışıqları yolundakı irəliləyişlərə kölgə salmağa xidmət edir.

"Niyə belə edirsiz, ayıb deyilmi? İrəliləyişə şans olduğu bir vaxtda, siz niyə bunu edirsiniz? Yəni, doğurdan da, bu illər və bu qurbanlar məsuliyyətli yanaşma üçün arqument deyil? Axı “lazımi sözlərdən öz xeyrinizə” pazlın yığılması üzrə informasiya mübarizəsi nə vaxta qədər davam edəcək" - deyə o yazıb.

İlhamə
Ölkə.Az