\"Prezidentin 7 ildən bir seçilməsi daha yaxşıdır\"

Azərbaycan Konstitusiya Məhkəməsi Plenumunun Referendum Aktı layihəsi ilə bağlı iclası keçirilib.

İclasda Referendum Aktı layihəsinə müsbət rəy verilib.

Referendum Aktı layihəsi ilə bağlı millət vəkili Araz Əlizadə Ölkə.Az-a danışıb:

"Azərbaycan Konstitusiya Məhkəməsi Plenumunundan əvvəl Referendum Aktı layihəsini qanunla tutuşdurmuşam və tam bəyənirəm.

Azərbaycan artıq oturuşmuş dövlətdir. İki vitse prezident vəzifəsi yaranır. Bunun nə olduğunu tam bilmirəm. Milli Məclisdə bunu müzakirə edəndə bu vəzifələr mənə aydın olacaq.

2013-cü ildə bizdə prezident seçkiləri oldu, 2014-cü ildə bələdiyyə seçkiləri oldu, 2015-ci ildə parlament seçkiləri oldu. İndi biz təzədən prezident seçkilərinə hazırlaşırıq. Mənə elə gəlir ki, parlament və bələdiyyə seçkilərini eyni vaxtda keçirməliyik. Bu zaman həm xərc az olar, həm də bir ildən bir didişmərik. Prezidentin 7 ildən bir seçilməsi daha yaxşıdır".

Səxavət Məmməd
Ölkə.Az