Azərbaycan və Malta arasında gənclər və idman sahələrində əməkdaşlıq haqqında Saziş təsdiq edilib

Prezident İlham Əliyev bu gün Azərbaycan Hökuməti ilə Malta Hökuməti arasında gənclər və idman sahələrində əməkdaşlıq haqqında Sazişin təsdiq edilməsi barədə fərman imzalayıb.

Fərmanda deyilir:

"Azərbaycan Hökuməti ilə Malta Hökuməti arasında gənclər və idman sahələrində əməkdaşlıq haqqında 2016-cı il aprelin 29-da Bakı şəhərində imzalanmış Saziş təsdiq edilsin".

Azərbaycanın Gənclər və İdman Nazirliyinə bu fərmanın 1-ci hissəsində göstərilən Sazişin müddəalarının həyata keçirilməsini təmin etmək və Azərbaycanın Xarici İşlər Nazirliyinə Sazişin qüvvəyə minməsi üçün zəruri olan dövlətdaxili prosedurların yerinə yetirildiyi barədə Malta Hökumətinə bildiriş göndərmək tapşırlılb.